சிவகார்த்திகேயனின் ‘அமரன்’ வெளியாகி வசூலில் சக்கை போடு போட்டு கொண்டிருக்கிறது. இப்படத்தின் வெற்றியை தொடர்ந்து ஏ.ஆர். முருகதாஸ் இயக்கத்தில் நடித்து வருகிறார். இந்நிலையில் ‘எஸ்கே 23’ ரிலீஸ் குறித்து லேட்டஸ்ட் தகவல் ஒன்று வெளியாகியுள்ளது.அஜித்தின் ‘விடாமுயற்சி’ படத்தின் ரிலீசுக்காக நீண்ட காலமாகவே ரசிகர்கள் காத்திருப்பில் இருக்கின்றனர். தற்போது இப்படத்தின் இறுதிக்கட்ட பணிகள் மும்முரமாக நடந்து கொண்டிருக்கிறது. மகிழ் திருமேனி இயக்கத்தில் உருவாகி வரும் ‘விடாமுயற்சி’ படத்தினை லைகா நிறுவனம் தயாரிக்கிறது. இப்படம் அடுத்தாண்டு பொங்கலுக்கு ரிலீசாகும் என எதிர்பார்க்கப்படுகிறது.
விடாமுயற்சி படப்பிடிப்பை நிறைவு செய்யும் முன்பே யாரும் எதிர்பார்க்காத விதமாக அஜித்தின் அடுத்த படம் குறித்த அறிவிப்பு வெளியாகி விட்டது. ஏகேவின் தீவிர ரசிகரான ஆதிக் ரவிச்சந்திரன் இயக்கத்தில் ‘குட் பேட் அக்லி’ உருவாகி வருகிறது. பிரபல தெலுங்கு தயாரிப்பு நிறுவனமான மைத்ரி மூவி மேக்கர்ஸ் நிறுவனம் தயாரித்து வரும் இப்படத்தின் ஷுட்டிங் விறுவிறுப்பாக நடந்து கொண்டிருக்கிறது.
‘மார்க் ஆண்டனி’ படத்தின் பிரம்மாண்ட வெற்றிக்கு பின் தற்போது குட் பேட் அக்லியை இயக்கி வருகிறார் ஆதிக் ரவிச்சந்திரன். அஜித்தின் தீவிர ரசிகரான இவர் தற்போது ஏகேவை இயக்கி வருவது கோலிவுட் வட்டாரத்தில் உச்சக்கட்ட எதிர்பார்ப்பினை கிளப்பியுள்ளது. கண்டிப்பாக ‘குட் பேட் அக்லி’ தரமான பேன் பாய் படமாக இருக்கும் என எதிர்பார்க்கப்படுகிறது.
வீட்டில் இறந்து கிடந்த பிரபல நடிகர்.. இரண்டு பக்க கடிதத்தை கைப்பற்றிய போலீசார்!
Cinema Latest news - Cinema News | Tamil News | Tamil Cinema | Daily Cinema | Tamil Cinema Trailer | Tamil Cinema Teasers | Tamil Cinema reviews | Tamil Cinema News | Tamil Cinema Reviews | Tamil Movie Reviews | Kollywood News - provided Latest cinema news, Tamil cinema updates, cinema exclusive news, video, audio, photos, movies, teasers, trailers, entertainment and other Tamil cinema news 24/7 updates
அடுத்தாண்டு மே 1 ஆம் தேதி ‘குட் பேட் அக்லி’ படத்தினை வெளியிட படக்குழுவினர் திட்டமிட்டுள்ளனர். அஜித்தின் பிறந்தநாளன்று இப்படம் வெளியாக இருப்பதாக கூறப்படுகிறது. இந்நிலையில் அதே நாளில் சிவகார்த்திகேயனின் புதிய படம் ரிலீஸ் ஆகவிருப்பதாக லேட்டஸ்ட் தகவல் ஒன்று வெளியாகியுள்ளது. எஸ்கே தற்போது ஏ.ஆர். முருகதாஸ் இயக்கத்தில் நடித்து கொண்டிருக்கிறார்.
‘எஸ்கே 23’ படமாக உருவாகி வரும் இதனை ஸ்ரீ லக்ஷ்மி மூவிஸ் நிறுவனம் தயாரிக்கிறது. அனிருத் ரவிச்சந்தர் இசையமைக்கிறார். மேலும், ருக்மினி வசந்த், துப்பாக்கி பட வில்லன் வித்யுத் ஜம்வால் மற்றும் பிரபல மலையாள நடிகர் பிஜு மேனன், விக்ராந்த் உள்ளிட்டோர் முக்கிய கதாபாத்திரத்தில் ‘எஸ்கே 23’ படத்தில் நடித்து கொண்டிருக்கின்றனர்.
இந்நிலையில் இப்படம் மே 1 ஆம் தேதி உழைப்பாளர் தினத்தை முன்னிட்டு ரிலீஸ் ஆகவிருப்பதாக தகவல்கள் வெளியாகியுள்ளன. ‘அமரன்’ படத்தின் பிரம்மாண்ட வெற்றியால் உச்சக்கட்ட மகிழ்ச்சியில் இருக்கு சிவகார்த்திகேயனின் ‘எஸ்கே 23’ படம் அஜித்தின் குட் பேட் அக்லியுடன் மோத இருப்பதாக வெளியாகியுள்ள தகவல் ரசிகர்கள் மத்தியில் உச்சக்கட்ட எதிர்பார்ப்பினை கிளப்பியுள்ளது குறிப்பிடத்தக்கது.