கேப்டன் மில்லர் முதல் கங்குவா திரைப்படம் வரை 2024 ஆம் ஆண்டு தமிழ் ரசிகர்களின் எதிர்பார்ப்பை பூர்த்தி செய்ய தவறிய திரைப்படங்கள் ஒரு பார்வை
கேப்டன் மில்லர்
2024 ஆம் ஆண்டு தமிழ் சினிமாவில் பல படங்கள் ஹிட்டாகியுள்ளது. அதே சமயம் பல படங்கள் ரசிகர்களின் எதிர்பார்ப்பை பூர்த்தி செய்ய தவறியும் இருக்கின்றது. அந்த வகையில் 2024 ஆம் ஆண்டு வெளியான படங்களில் மிகப்பெரிய எதிர்பார்ப்பிற்கு மத்தியில் வெளியாகி அந்த எதிர்பார்ப்பை பூர்த்தி செய்ய தவறிய சில படங்களில் ஒன்று தான் கேப்டன் மில்லர்.தனுஷ் நடிப்பில் அருண் மாதீஸ்வரன் இயக்கத்தில் உருவான திரைப்படம் தான் கேப்டன் மில்லர். தனுஷின் கெட்டப், படத்தின் பாடல்கள் மற்றும் ட்ரைலர் என அனைத்தும் இப்படத்தின் மீதான ரசிகர்களின் எதிர்பார்ப்பை அதிகப்படுத்தியது. மிகப்பெரிய எதிர்பார்ப்பிற்கு மத்தியில் வெளியான இப்படம் கலவையான விமர்சனங்களை தான் பெற்றது. தனுஷ் ரசிகர்களால் மிகவும் எதிர்பார்க்கப்பட்ட இப்படம் மிகப்பெரிய வெற்றியை பெற தவறியது
லால் சலாம்
Cinema Latest news - Cinema News | Tamil News | Tamil Cinema | Daily Cinema | Tamil Cinema Trailer | Tamil Cinema Teasers | Tamil Cinema reviews | Tamil Cinema News | Tamil Cinema Reviews | Tamil Movie Reviews | Kollywood News - provided Latest cinema news, Tamil cinema updates, cinema exclusive news, video, audio, photos, movies, teasers, trailers, entertainment and other Tamil cinema news 24/7 updates
நீண்ட நாட்களுக்கு பிறகு ரஜினி கேமியோ ரோலில் நடிக்கின்றார் என்பதாலும், அவரின் மகள் ஐஸ்வர்யா இயக்கத்தில் முதல் முறையாக நடிக்கின்றார் என்பதாலும் இப்படத்திற்கு மிகப்பெரிய எதிர்பார்ப்பு இருந்தது. மேலும் பொதுவாகவே தமிழ் சினிமாவில் கிரிக்கெட் கதைக்களம் கொண்ட படங்களுக்கு எதிர்பார்ப்பு இருக்கும். அதைப்போல லால் சலாம் திரைப்படமும் கிரிக்கெட் தொடர்புடைய படம் என்பதால் இப்படத்திற்கும் எதிர்பார்ப்பு இருந்தது. குறிப்பாக ஜெயிலர் என்ற மாபெரும் வெற்றிப்படத்திற்கு பிறகு ரஜினியின் நடிப்பில் வெளியாகும் படம் தான் லால் சலாம். அப்படிப்பட்ட ஒரு எதிர்பார்ப்பிற்கு மத்தியில் வெளியான இப்படம் சுமாரான வரவேற்பை பெற்று தோல்விப்படமாக அமைந்தது. இது ரஜினி ரசிகர்களுக்கு மிகப்பெரிய ஏமாற்றத்தை கொடுத்தது
இந்தியன் 2
விக்ரம் என்ற மிகப்பெரிய வெற்றிப்படத்திற்கு பிறகு கமலின் நடிப்பில் வெளியாகும் படம். ஷங்கர் மற்றும் கமல் காம்போ, தமிழ் சினிமாவிலேயே மாபெரும் வெற்றிபெற்ற படமான இந்தியன் படத்தின் இரண்டாம் பாகம் போன்ற பல விஷயங்களால் இந்தியன் 2 படத்திற்கு மிகப்பெரிய எதிர்பார்ப்பு இருந்தது. ஆனால் தமிழ் சினிமாவிலேயே மிகப்பெரிய விமர்சனங்களுக்கு உண்டான படங்களில் ஒன்றாக இந்தியன் 2 அமைந்துவிட்டது. வசூல் ரீதியாகவும் விமர்சன ரீதியாகவும் இந்தியன் 2 திரைப்படத்திற்கு மிகப்பெரிய பின்னடைவு ஏற்பட்டது. ஜூலை மாதம் வெளியான இப்படம் வசூலில் சாதனை படைக்கும் என எதிர்பார்க்கப்பட்ட நிலையில் தோல்வியை சந்தித்தது. இந்த தோல்வியை இந்தியன் 3 திரைப்படம் சரிக்கட்டுமா என்ற எதிர்பார்ப்பு ரசிகர்கள் மத்தியில் இருந்து வருகின்றது
கங்குவா
சூர்யாவின் திரைப்பயணத்திலேயே அதிக பொருட்ச்செலவில் உருவான திரைப்படம் தான் கங்குவா. சிவா இயக்கத்தில் தேவி ஸ்ரீ பிரசாத் இசையில் கடந்த மாதம் வெளியான இப்படம் கடுமையான விமர்சனங்களுக்கு உண்டானது. சூர்யாவின் படம் இரண்டு ஆண்டுகளுக்கு பிறகு வெளியாவது என்பதாலும் , படத்தின் ட்ரைலர் மிகப்பெரிய வரவேற்பை பெற்றதாலும் இப்படத்திற்கு ஹைப் அதிகமாகவே இருந்தது. தமிழ் சினிமாவின் முதல் ஆயிரம் கோடி வசூலை பெரும் படமாக கங்குவா இருக்கும் என எதிர்பார்க்கப்பட்டது. ஆனால் படம் வெளியான பிறகு அதற்கு நேர்மாறான ரிசல்ட் கிடைத்தது. ரசிகர்களின் கடுமையான ட்ரோல்களுக்கு கங்குவா திரைப்படம் ஆளானது சூர்யா ரசிகர்களை ஏமாற்றத்தில் ஆழ்த்தியது என்பது குறிப்பிடத்தக்கது
தமிழ் சினிமா 2024
இது போல மேலும் ஒரு சில எதிர்பார்ப்பிற்கு மத்தியில் வெளியான திரைப்படங்கள் கலவையான விமர்சனங்களை பெற்றிருந்தாலும் அப்படங்கள் வசூலில் சாதனை படைத்தது. கலவையான விமர்சனங்களை பெற்றபோதும் அப்படம் பெரும்பாலான ரசிகர்களால் ரசிக்கப்பட்டது. விஜய்யின் GOAT ,ரஜினியின் வேட்டையன் ஆகிய படங்கள் கலவையான விமர்சனங்களை பெற்றாலும் வசூலில் சாதனை படைத்து வெற்றிப்படமாக அமைந்தது என்பது குறிப்பிடத்தக்கது
