அண்மையில் வெளியான ‘லப்பர் பந்து’ படத்தில் முக்கியமான கதாபாத்திரத்தில் நடித்திருந்தார் சுவாசிகா. கெத்து தினேஷின் மனைவியாக நடித்து பெரும் வரவேற்பினை பெற்றார். இந்நிலையில் சுவாசிகா ‘சூர்யா 45’ படத்தில் நடிக்கவுள்ளதாக தகவல்கள் வெளியாகியுள்ளன.
ஆர்.ஜே. பாலாஜி இயக்கத்தில் உருவாகவுள்ள ‘சூர்யா 45’ படம் குறித்து லேட்டஸ்ட் தகவல் ஒன்று வெளியாகி ரசிகர்களின் எதிர்பார்ப்பினை எகிற வைத்துள்ளது.
கங்குவா
கடந்த தீபாவளிக்கு கிட்டத்தட்ட இரண்டு ஆண்டுகள் கழித்து சூர்யா நடிப்பில் ‘கங்குவா’ வெளியானது. சிறுத்தை சிவா இயக்கத்தில் பெரும் எதிர்பார்ப்புகளுக்கு மத்தியில் ரிலீசான இப்படம் ஏகப்பட்ட நெகட்டிவ் விமர்சனங்களை சந்தித்தது. இதனால் திரையரங்கிலும் ‘கங்குவா’ படத்திற்கான வரவேற்பு குறைந்து விட்டது. இந்நிலையில் சூர்யா தற்போது தனது அடுத்த படத்திற்கான பணிகளில் மும்முரமாக இறங்கி விட்டார்.
Cinema Latest news - Cinema News | Tamil News | Tamil Cinema | Daily Cinema | Tamil Cinema Trailer | Tamil Cinema Teasers | Tamil Cinema reviews | Tamil Cinema News | Tamil Cinema Reviews | Tamil Movie Reviews | Kollywood News - provided Latest cinema news, Tamil cinema updates, cinema exclusive news, video, audio, photos, movies, teasers, trailers, entertainment and other Tamil cinema news 24/7 updates
சூர்யா 45
சூர்யா தற்போது தனது 45 வது படத்தில் நடித்து வருகிறார். பிரபல நகைச்சுவை ஆர்.ஜே. பாலாஜி இப்படத்தினை இயக்கி வருகிறார். யாருமே எதிர்பார்க்காத இந்த காம்போ இணைந்துள்ள இப்படத்தினை ட்ரீம் வாரியர் பிக்சர்ஸ் நிறுவனத்தின் தயாரிக்கிறது. அத்துடன் இசைப்புயல் ஏ.ஆர். ரஹ்மான் இசையமைக்கிறார். கோலிவுட் வட்டாரத்தில் பெரும் எதிர்பார்ப்பினை இந்த காம்போ கிளப்பியுள்ளது.
ஆன்மீக கதை
இந்நிலையில் சில தினங்களுக்கு பொள்ளாச்சி மாசாணி அம்மன் கோயிலில் ‘சூர்யா 45’ படத்தின் நடந்தது. இதில் சூர்யா, ஆர்.ஜே. பாலாஜி உள்ளிட்ட படக்குழுவினர் பலர் கலந்துக் கொண்டனர். இதனையடுத்து பூஜையுடன் ‘சூர்யா 45’ படத்தின் ஷுட்டிங் துவங்கி நடந்து கொண்டிருக்கிறது. இப்படம் ஆன்மீகம் சம்பந்தமான கதையம்சத்துடன் உருவாக இருப்பதாக கூறப்படுகிறது.
சுவாசிகா
இந்நிலையில் ‘சூர்யா 45’ படத்தில் பிரபல மலையாள நடிகை சுவாசிகா முக்கிய கதாபாத்திரத்தில் நடிக்க இருப்பதாக தகவல்கள் வெளியாகியுள்ளன. அண்மையில் வெளியாகி மிகப்பெரிய வரவேற்பை பெற்ற ‘லப்பர் பந்து’ படத்தில் கெத்து தினேஷின் மனைவியாக நடித்து பலரின் பாராட்டுக்களை அள்ளினார் சுவாசிகா. ‘லப்பர் பந்து’ படத்தில் கிடைத்த வரவேற்பினை தொடர்ந்து தற்போது ‘சூர்யா 45’ படத்தில் நடிக்க கமிட் ஆகியுள்ளார் சுவாசிகா.
கார்த்திக் சுப்புராஜ் படம்
‘சூர்யா 45’ படத்தில் திரிஷா கதாநாயகியாக நடிக்க இருக்கிறார். விடாமுயற்சி, குட் பேட் அக்லி படங்களை தொடர்ந்து தற்போது சூர்யாவுக்கும் ஜோடியாக நடிக்க கமிட் ஆகியுள்ளார் திரிஷா. இதனிடையில் கார்த்திக் சுப்புராஜ் இயக்கத்தில் தற்போது நடித்து முடித்துள்ளார் சூர்யா. கேங்ஸ்டர் படமாக உருவாகியுள்ள ‘சூர்யா 44’ ரிலீசுக்காக ரசிகர்கள் பெரும் எதிர்பார்ப்புடன் காத்து கொண்டிருப்பது குறிப்பிடத்தக்கது.
